Azərbaycan Yerüstü Nəqliyyat Agentliyi (AYNA) sərnişindaşıma xidmətinin keyfiyyətinin artırılması ilə bağlı tədbirlər çərçivəsində Bakı-İsmayıllı, Sumqayıt-İsmayıllı, eləcə də Qusar 3 nömrəli şəhərdaxili avtobus marşrutlarını müsabiqəyə çıxarır.
Shimal.News xəbər verir ki, müsabiqəyə sənədlər 2024-cü il 13 dekabr saat 17:00-dək AYNA-da (ünvan: Bakı şəhəri, Tarzən Hacı Məmmədov küçəsi 5; əlaqələndirici şəxs: Elsevər Qədimov – tel.: 050-855-53-55, e-poçt: [email protected]) qəbul olunacaq.
Müsabiqəyə əsas avtobuslarla yanaşı, ehtiyat nəqliyyat vasitələri də təqdim edilməlidir.
İddiaçıların təklifləri komissiya tərəfindən Bakı-İsmayıllı və Sumqayıt-İsmayıllı istiqamətlərində 5 Lot üzrə dekabrın 20-də, Qusar 3 nömrəli şəhərdaxili avtobus marşrutu üzrə 5 Lotda isə dekabrın 24-də baxılacaq.
Daha ətraflı məlumatı buradan əldə etmək olar.
