Şimal bölgəsinin sakinləri əkin sahələrinə dəymiş zərərlərlə bağlı Aqrar Sığorta Fonduna müraciət ediblər. Bu haqda ShimalNews 21 iyun tarixində məlumat verir.
Güclü küləyin təsərrüfatlarda törətdiyi fəsadlarla bağlı İsmayıllı və Qusar sakinləri sığorta hesablanmasını gözləyirlər.
Eləcə də sığorta halı dolu, intensiv yağışlar, güclü külək, qasırğa, fırtına, sel-subasma ilə bağlı ola bilər. Fondun sığorta etdiyi əksər bitki növləri üzrə – buğda, arpa, qarğıdalı, pambıq, nektarin, şaftalı, alma, armud, ərik, üzüm, heyva və sair bitkilərə zərər dəyib.
Aqrar Sığorta Fondu təsərrüfatların qorunması üçün fermerləri sığortalanmağa, hadisə baş verdikdə isə 10 gün ərzində quruma müraciət etməyə çağırır.
