İsmayıllıda Dağlıq Şirvan Regional Təhsil İdarəsinin müdir müavini Həmid Qasımov təhsil müəssisələrinin rəhbərləri ilə görüşüb. Bu haqda ShimalNews 29 fevral tarixində məlumat verir.
Tədbir şəhər 6 nömrəli məktəbdə keçirilib. Görüşdə İsmayıllı Rayon Təhsil Sektorunun əməkdaşları, ümumtəhsil, məktəbdənkənar təhsil müəssisələrinin, məktəbəqədər təhsil müəssisələrinin rəhbərləri və ATİAHİ-nin rayon komitəsinin sədri iştirak ediblər.
İştirakçılarla cari və qarşıdakı görüləcək işlər müzakirə edilmiş, idarənin müdir müavini tərəfindən təhsil müəssisələrinin rəhbərlərinə bir çox məsələlərlə əlaqəli tapşırıqlar verilərək, işlərində məsuliyyətli olmalarının vacibliyi onların diqqətinə çatdırılmışdır.
Sonda müəssisə rəhbərlərinin sualları cavablandırılmışdır.
