İsmayıllı rayonunda yaşayan və təhsil alan şagirdlər üçün “Ən sevdiyim kitab” adlı onlayn müsabiqə elan edilib. Bu haqda ShimalNews 5 aprel tarixində məlumat verir.
Yarışın keçirilməsində məqsəd 1-11-ci sinif şagirdləri arasında mütaliə bacarıqlarının inkişaf etdirilməsi və kitablara sevginin aşılanmasıdır.
Müsabiqədə iştirak etmək istəyən hər bir məktəbli özü haqqında məlumatları və videonu 8-16 aprel tarixlərində [email protected] elektron poçt ünvanına göndərə bilər. Videoların qəbulu dayandırıldıqdan sonra 30 aprel 2024-cü il tarixinədək İsmayıllı UADM-in “facebook” sosial şəbəkəsində #mənimkitabxanam etiketi ilə yerləşdiriləcək. İzləyicilər tərəfindən ən çox bəyənilən (bəyənilmə sayına görə) 5 nəfər qalib seçiləcək.
Müsabiqədə qalib gəlmiş iştirakçıların evlərində 1 İyun - Uşaqların Beynəlxalq Müdafiəsi Gününə qədər mükafat olaraq, “Oxu guşəsi” (kitab rəfi, yazı masası, yazı masası üçün stul, kitablar və dəftərxana ləvazimatlarından ibarət) yaradılacaq.
