İsmayıllı Rayon Mərkəzi Xəstəxanasında (RMX) tibb işçiləri toplantı keçiriblər. Bu haqda ShimalNews 4 iyun tarixində məlumat verir.
İclasda İsmayıllı Rayon Mərkəzi Xəstəxanasının direktoru Vidadi Rəhimov, baş həkim Nərgiz Rəhimova, Tibbi Şuranın üzvləri, rayon Gigiyena və Epidemiologiya Mərkəzinin direktoru Xanlar Qəmbərov, Epidemiologiya şöbəsinin müdiri Elburus Bağırov, Ailə Sağlamlıq Mərkəzinin müdirləri, kənd Həkim və Tibb məntəqə müdirləri iştirak ediblər.
Gündəlikdə ”Uşaqların icbari dispanserizasiyadan keçirilməsinə dair Dövlət proqramları”nın icrası, “Klinik protokolların tətbiqi”nə dair məsələlər, Xəstəxananın daxili əmri ilə təsdiqlənmiş qrafikə əsasən yaradılan briqadalarda həkim-pediatr və ailə həkimi-pediatrların qəsəbə və kəndlərdə apardıqları profilaktik peyvənd işləri müzakirə olunub.
