İsmayıllıda fəaliyyət göstərən marketdə nöqsanlar aşkarlanıb. Bu haqda 26 may tarixində ShimalNews AQTA-ya istinadən xəbər verir.
Kürdmaşı kəndində fəaliyyət göstərən, fiziki şəxs Azad Məcidova məxsus marketdə planlı yoxlama aparılıb. Burada bəzi məhsulların (yumurta, toyuq) müşayiətedici sənədlərinin olmadığı, çörək və un məmulatlarının bağlı dolablarda və ya stellajlarda saxlanılmadığı, mexaniki havalandırma sisteminin quraşdırılmadığı, mütəmadi olaraq, təmizlik və dezinfeksiya işlərinin aparılmadığı, qapaqlı tullantı qabından istifadə edilmədiyi, bəzi məhsulların birbaşa döşəmə üzərində saxlanıldığı müəyyən olunub.
Aşkarlanmış nöqsanlarla bağlı qanunvericiliyin tələblərinə uyğun olaraq, müvafiq tədbirlər görülüb. Yararlılıq müddəti bitmiş məhsullar satışdan çıxarılıb və müəssisənin rəhbəri inzibati məsuliyyətə cəlb olunub.
