İqtisadiyyat nazirinin müavini Sahib Ələkbərov İsmayıllı şəhərində vətəndaşları qəbul edib. Bu haqda 26 may tarixində ShimalNews nazirliyə istinadən məlumat verir.
Görüşə gələn İsmayıllı və Ağsu rayonlarının sakinləri sahibkarlıq fəaliyyətinin genişləndirilməsi, güzəştli kreditlərin verilməsi, vergi inzibatçılığı, əmlak və s. məsələlərlə bağlı müraciət ediblər.
Nazirliyin aidiyyəti struktur bölmələrinin rəhbərlərinin iştirakı ilə keçirilmiş qəbulda hər bir vətəndaşın müraciət etdiyi məsələ ilə bağlı cavab və izahat verilib, araşdırma tələb edən müraciətlər isə baxılması üçün qeydiyyata alınıb.
