Quba, Xaçmaz və digər rayonlarda II və III ixtisas qrupları üzrə qəbul imtahanı keçirilib. Bu haqda ShimalNews 8 iyul tarixində məlumat verir.
İmtahan prosesinin idarə olunması üçün Dövlət İmtahan Mərkəzində operativ qərargah fəaliyyət göstərib. 4 nəfərdə mobil telefon aşkarlandığı üçün imtahandan xaric olunub. Ümumilikdə imtahanda 89 nəfər sağlamlıq imkanları məhdud (gözdən əlil, serebral iflic, eşitmə əngəlli və digər) abituriyent də iştirak edib.
İmtahanlarda istifadə olunan açıq tipli tapşırıqların yoxlanılması vaxt tələb etdiyindən nəticələrin iki həftədən sonra elan olunması nəzərdə tutulur.
