2024-cü ilin ikinci Günəş tutulması oktyabrın 2-də baş verəcək.
Shimal.News xəbər verir ki, Bakı Dövlət Universitetinin (BDU) Fizika fakültəsinin Astrofizika kafedrasının yaydığı məlumata əsasən, təbiət hadisəsi oktyabrın 2-də Bakı vaxtı ilə saat 19:42:47-də başlayacaq və 3 oktyabr saat 01:46:47-də sona çatacaq.
Ay Yerdən daha uzaq məsafədə olduqda bucaq ölçüsü Günəşin bucaq ölçüsündən kiçik olduğuna görə tutulma zamanı Ay Günəşin səthini tam bağlamır və Ayın ətrafında parlaq həlqə yaranır.
Həlqəvari Günəş tutulması Çili və Argentinanın cənubunda müşahidə olunacaq. Tutulma Azərbaycandan müşahidə olunmayacaq.
