Gənclərin İnkişaf və Karyera Mərkəzinin (GİKM) şimal bölgəsindən olan əməkdaşları uğur qazanıblar. Bu barədə ShimalNews 19 iyul tarixində adıçəkilən mərkəzə istinadən məlumat verir.
Ötən 6 aylıq fəaliyyət dövrü ərzində nümayəndəliklərdə çalışan şəxslərin fəaliyyəti qiymətləndirilib. Nəticədə onlar təltif ediliblər.
Beləliklə, Quba GİKM-də çalışan Nevin Əliyeva “Fərqlənən ictimaiyyətlə əlaqələr üzrə mütəxəssislər”dən olub. Xaçmaz GİKM-də isə “Fərqlənən könüllülər üzrə mütəxəssislər”in siyahısında Arzu Əskərova yer alıb.
“Gənclərlə iş sahəsində əməyiniz əvəzsizdir, hörmətli əməkdaşlar! Hər birinizin fəaliyyətini yüksək qiymətləndirir, fərqlənən əməkdaşlarımızı təbrik edirik!”, - GİKM öz səhifəsində yazıb.
