Xaçmaz rayonunun Sibiroba kəndində “Kiçikhəcmli gəmilərin təhlükəsiz istismarı” mövzusunda tədbir keçirilib. Bu haqda ShimalNews 27 noyabr tarixində Fövqəladə Hallar Nazirliyinə istinadən məlumat verir.
Maarifləndirici görüş Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmi istifadəçilərinin müvafiq təhlükəsizlik qaydaları ilə bağlı təşkil edilib. Tədbirlərdə balıq və digər su bioresurslarının sənaye ovunu həyata keçirən balıqçılıq subyektlərinə bu tip gəmilərin təchizat avadanlıqları barədə məlumat verilib.
Kiçikhəcmli gəmi sürücülərinə kollektiv və fərdi xilasedici vasitələrdən, naviqasiya avadanlıqlarından istifadə qaydaları ilə bağlı məlumatlar verilib.
