Qubada Fövqəladə Hallar Nazirliyinin Şimal Regional Mərkəzi tərəfindən mülki müdafiə məşqi təşkil olunub. Bu barədə ShimalNews 4 oktyabr tarixində məlumat verir.
Tədbir “Fövqəladə hadisələr zamanı hərbiləşdirilməmiş ərazi mülki müdafiə dəstələrinin xəbərdarlıq toplanışı siqnalı üzrə fəaliyyəti” mövzusunda keçirilib. Burada adıçəkilən mərkəzin aidiyyəti struktur bölmələri, RİH-nin Mülki müdafiə qərargahı, Fövqəladə Hallar Komissiyası və ərazi mülki müdafiə qüvvələrinin şəxsi heyəti iştirak edib. Bu məşqə ümumilikdə rayonda fəaliyyət göstərən 21 idarə, müəssisə və təşkilatlardan 155 nəfər şəxsi heyət və 38 ədəd texnika cəlb edilib.
Sonda çatışmazlıqlar aşkar edilib və onlara əsasən, müvafiq tapşırıqlar verilib.
Məşqin keçirilməsində məqsəd ərazi mülki müdafiə qüvvələrinin fövqəladə hallara operativ reaksiyavermə hazırlığı səviyyəsinin yoxlanılması və komandir-rəis heyətinin idarəetmə üzrə bilik və bacarıqlarının təkmilləşdirilməsidır.
