Qubada fermerlər alma bağlarına aqrotexniki xərclərin 2-3 dəfə artdığını deyirlər. Bu barədə ShimalNews 25 sentyabr tarixində Az TV-yə istinadən xəbər verir.
Artıq bir neçə gündür ki, məhsul yığımına başlanıb. Bağlarda bu il bolluq müşahidə edilir, lakin sahibkarlar meyvənin keyfiyyətsizliyindən gileylənirlər.
Onlar deyirlər ki, illər əvvəl gübrələri və bağ dərmanlarını cibə uyğun qiymətə alırdılar. Artıq həmin mallar və aqrotexniki xidmətlərin qiyməti 1000 manatdan 2000-3000 manata qədər qalxıb. Alma isə köhnə qiymətlə, yəni 40-50 qəpiyə satılır. Hətta həmin qiymətə belə alıcıya az rast gəlinir.
