Quba və Xaçmazda “İxtisas Bələdçisi” adlı maarifləndirmə seminarları keçiriləcək. Bu barədə ShimalNews 20 iyul tarixində Dövlət Məşğulluq Agentliyinə istinadən məlumat verir.
Seminar karyera məsləhətçiləri tərəfindən aparılacaq. Onlar ixtisas seçiminin aparılması meyarları, düzgün kodlaşdırma qaydaları, prosesin psixoloji aspektləri, əsas ixtisaslar və onların gələcək perspektivləri haqqında məlumatlar verəcəklər.
Layihənin məqsədi iştirakçıları müasir əmək bazarının tələbləri barədə məlumatlandırmaq, abituriyentlərin düzgün ixtisas seçimi etmələrinə dəstək verməkdir. Bu seminarlarda ümumtəhsil məktəblərinin 9-11-ci sinif şagirdləri, abituriyentlər, onların valideynləri və müəllimlər iştirak edə bilərlər.
Bunun üçün vətəndaşlar Regional Məşğulluq filiallarına müraciət edə və ya 055-659-28-23 nömrəsi ilə əlaqə saxlaya bilərlər.
