İsmayıllıda yağan dolu ağacların budaqlarını qırıb, fermerlərə ziyan dəyib. Bu barədə ShimalNews 3 may tarixində Real TV-yə istinadən məlumat verir.
“Heç bir bağda, demək olar ki, ağac üstündə meyvə yoxdur. Ciddi ziyan dəyib. O, cümlədən taxıl sahələrinə baxış keçirtdik. Bəzi yerlərdə, demək olar ki, bu il məhsul olmayacaq”, - deyə Kənd Təsərrüfatı Nazirliyinin sözçüsü Vüqar Hüseynov bildirib.
Amma zərər ümumi respublika həcmində məhsuldarlığa təsir göstərəcək dərəcədə deyil. Aqrar Sığorta Fondu və müstəqil sığortanın ekspertləri artıq bölgələrə ezam olunublar. Onlar dəymiş zərəri müəyyənləşdirirlər.
Təsərrüfatlarını sığortalamış fermerlərə ödənişlər həyata keçiriləcək. Sığortalamayan fermerlər isə bu mexanizmdən yararlana bilməyəcəklər.
