General-polkovnik Vilayət Eyvazov İsmayıllıda vətəndaş qəbulu keçirəcək. Bu barədə ShimalNews 26 may tarixində DİN-ə isitnadən məlumat verir.
Tədbir iyun ayının 13-ü təşkil olunacaq. Rayon Polis Şöbəsinin inzibati binasında Ağsu, İsmayıllı, Göyçay, Qobustan və Şamaxı şəhər və rayonlarının sakinləri iştirak edəcəklər.
Qəbula yazılmaq istəyənlər iyunun 12-dək yaşadıqları ərazinin polis orqanına, yaxud DİN-in (mia.gov.az) internet saytı vasitəsilə və ya sosial şəbəkələrdəki səhifələrinə müraciət edə bilərlər.
İştirakçılardan şəxsiyyət vəsiqəsi tələb olunur.
