Qusardan olan şəhid baş leytenant Elvin Əlimovun şəhidlik zivrəsinə ucalmasından 3 il keçir. Bu haqda ShimalNews 28 sentyabr tarixində məlumat verir.
Elvin 1995-ci il iyunun 8-də Köhnə Xudat Qazmalar kəndində anadan olub. Atasının I Qarabağ müharibəsində iştirak etməsi onda hərb işinə böyük həvəs yaradıb və o, Cəmşid Naxçıvanski adına hərbi liseyə daxil olub. Daha sonra təhsilini Heydər Əliyev adına ali hərbi məktəbdə davam edib.
Elvin Vətən müharibəsində igidliklə döyüşüb və sentyabrın 28-də Füzulidə şəhid olub. O, “Vətən uğrunda”, “İgidliyə görə”, “Cəbrayılın azad olunmasına görə” və “Füzulinin azad olunmasına görə” medalları ilə təltif edilib. O, Suraxanı rayonunun Hövsan qəsəbəsində dəfn olunub.
Dünən Qusardan olan bütün Vətən müharivəsi şəhidlərinin xatirəsinə 27 Sentyabr - Anım Günü tədbiri keçirilmişdir.
