“Azəriqaz” İstehsalat Birliyinin əməkdaşları şəhid Nuran Mirzəyevin xatirəsini yad ediblər. Bu haqda ShimalNews 28 sentyabr tarixində quruma istinadən məlumat verir.
Birliyin Xaçmaz RQİİ-nin rəhbərliyi şəhidin xatirəsinə inşa olunmuş bulağı ziyarət edib, daha sonra ailə üzvləri ilə görüşərək onların qayğıları ilə maraqlanıb.
Nuran Mirzəyev 27 iyul 1999-cu ildə Quba rayonunun Dağlı kəndində ləzgi ailəsində anadan olub. O, İB-nin Xaçmaz Regional Qaz İstismarı İdarəsinin Quba xidmət sahəsində çalışıb. Vətən müharibəsində qəhrəmancasına vuruşan gənc 2020-ci ilin oktyabr ayının 18-də Qubadlı, Ağdam və Xudafərin istiqamətində gedən döyüşlər zamanı şəhidlik zirvəsinə ucalıb. 21 oktyabr 2020-ci ildə Quba rayonunun Qımıl kəndində dəfn olunub.
Nuran Mirzəyev ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" və "Hərbi xidmətlərə görə" medalları ilə təltif edilib.
Subay idi.
