Xudat şəhərində anadan olan Ramiz Rzayev Azərbaycan Respublikasının Hakimlər İttifaqının sədri seçilib. Bu haqda ShimalNews 7 oktyabr tarixində Report-a istinadən məlumat verir.
Bu barədə qərar ölkədə fəaliyyət göstərən hakimləri, habelə hakim vəzifəsindən təqaüdə çıxmış şəxsləri birləşdirən Azərbaycan Respublikası Məhkəmə Hakimləri Assosiasiyaları İttifaqı, Ümumi Məhkəmə Hakimləri və İxtisaslaşdırılmış Məhkəmə Hakimləri ictimai birliklərinin ümumi yığıncağında qəbul edilib.
Konfransda yeni qurumun nizamnaməsi qəbul edilərək, idarəetmə orqanları formalaşdırılıb. Nizamnamə ilə nəzərdə tutulan seçkilər əsasında Ramiz Rzayev sədr, Sənan Hacıyev və Ələddin Cəfərov sədr müavinləri, Tahir Kazımov, Abiddin Hüseynov, Səadət Bektaşi, Vəli Abdullayev, Nuru Quliyev, Hökümə Babayeva, Ramin Qaraqurbanlı və Əsəd Mirzəliyev İdarə heyətinin, Günay Axundova, Fərid İsmayılzadə və Səlim Allahverdiyev Nəzarət Təftiş Komissiyasının üzvləri seçiliblər.
