Avropanın 10-dan çox ölkəsini təmsil edən tələbələr Qubaya səfər ediblər. Bu barədə ShimalNews 8 avqust tarixində Dünya TV-yə istinadən məlumat verir.
Səfər “Yay universiteti” layihəsi çərçivəsində keçirilib. Tədbirin əsas mövzusu sosial bərabərlik olub. İlk öncə qonaqlar Bakıya, sonra isə Qubaya gəliblər. Burada onlar gəzməli, görməli, tarixi və özündə mültikultural dəyərləri birləşdirən yerləri ziyarət ediblər.
“Hamının bildiyi kimi Quba çox xalqların yaşadığı bir rayondur ki, belə tolerantlıq dünyada çox az yerlərdə var. Layihənin mövzusuna uyğun olduğu üçün düşündük ki, Quba möhtəşəm seçimdir”, - deyə qonaqlardan biri söyləyib.
Beləliklə Avropa ölkələrinin Azərbaycanın milli adət-ənənələri və tarixi ilə tanış olaraq ölkəmizin turizm və inkişaf perspektivlərini bütün dünyaya çatdırmaqları hədəf qoyulub.
