Sahil Babayev Qusarda vətəndaş qəbulu keçirəcək. Bu barədə ShimalNews 15 fevral tarixində Əmək və Əhalinin Sosial Müdafiəsi Nazirliyinə (ƏƏSMN) istinadən məlumat verir.
Fevralın 24-ü nazir Qusar və Quba rayonlarının sakinlərini narahat edən məsələləri dinləyəcək. Nazirliyin səlahiyyət dairəsinə aid müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaşlar 15-21 fevral tarixlərində nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya 142 - Çağrı Mərkəzi ilə əlaqə saxlayaraq qəbula yazıla bilərlər.
