Qubada sakinlərin su sayğacları həyətlərdən kənara çıxarılır. Bu haqda ShimalNews 2 mart tarixində "Azərsu" ASC-yə istinadən məlumat verir.
Proses Timiryazev qəsəbəsində başlanıb. Çıxarılan sayğaclar darvazaların önündə qazılmış quyularda quraşdırılır. İşlər "Azərsu" ASC-nin əməkdaşları tərəfindən görülür.
Sayğacların çıxarılmasında məqsəd su ehtiyatlarından səmərəli istifadənin təmin edilməsi, su təchizatının yaxşılaşdırılması, su təchizatı sistemlərində debitor borcların azaldılması, su itkilərinin qarşısının alınmasıdır.
