Şəki-Qax avtomobil yolunun Qax rayonu ərazisindən keçən hissəsində yol-nəqliyyat hadisəsi baş verib.
Shimal.News-un məlumatına görə, rayonun Turaclı kənd sakini 38 yaşlı Anar Yasin oğlu Ələkbərov idarə etdiyi "BMW" markalı minik avtomobili ilə hərəkətdə olarkən idarəetməni itirməsi səbəbindən maşın yoldan çıxaraq aşıb.
Qəza zamanı müxtəlif dərəcəli bədən xəsarətləri alan sürücü A.Ələkbərov Qax Rayon Mərkəzi Xəstəxanasının (RMX) Təcili Tibbi Yardım şöbəsinə yerləşdirilib.
Qəza nəticəsində avtomobil Biləcik kəndini təbii qazla təmin edən xətti də zədələyib. Bununla əlaqədar kəndə qazın verilişi müvəqqəti olaraq dayandırılıb.
Faktla bağlı araşdırma aparılır.
