Qubanın Alekseyevka kəndində 120-yə yaxın ailə yenə susuz qalıb. Bu haqda ShimalNews 11 may tarixində məlumat verir.
“İçməli su artıq bir həftədir ki, yoxdur. Yenə su nasosunda nasazlıq yaranıb. Nasosu texnika vasitəsilə çıxarıb ustaya göstərmək üçün 350 manat pul lazımdır. Hazırda 150 manat toplanılıb. Bu məbləğ isə bəs etmir,” - deyə sakin bildirib.
Bu hal adıçəkilən kənddə birinci dəfə deyil ki, baş verir. Hər dəfə də sakinlər içməli suyun olmamasından əziyyət çəkirlər.
