Rüşvət almaqda ittiham olunan Səfərbərlik və Hərbi Xidmətə Çağırış üzrə Dövlət Xidmətinin Xaçmaz rayon şöbəsinin sabiq rəisi Rahim Ağayevlə bağlı kassasiya şikayətinə baxılıb.
Apa.az-ın məlumatına görə, Ali Məhkəmədə hakim Zaur Hüseynovun sədrliyi ilə keçirilən prosesdə qərar elan olunub.
Şikayət qismən təmin edilib. Rahim Ağayevə qarşı irəli sürülən 341.2.3-cü maddə ittihamdan xaric edilib.
Lakin 8 il 6 ay azadlıqdan məhrumetmə cəzası qüvvədə saxlanılıb.
Xatırladaq ki, Rahim Ağayev Baş Prokuror yanında Korrupsiyaya qarşı Mübarizə Baş İdarəsi tərəfindən həbs edilib. Ona qarşı rüşvət alma və vəzifə səlahiyyətlərindən sui-istifadə etmə maddələri ilə ittiham irəli sürülüb.
