Qusar şəhəri Z.Əliyeva küçəsində yerləşən "Atrium" adlı kafedə baş verən qanlı hadisə üzrə məhkəmə keçirilib.
Demokrat.az-ın məlumatına görə, hadisə 2024-cü il oktyabrın 17-də baş verib. Həmin vaxt kafe sahibi bıçaqlanıb.
1996-cı il təvəllüdlü Orxan gecə saat 00:50 obyekti icarə müqaviləsi əsasında işlədən Elvini qulağına söz demək bəhanəsi ilə cib bıçağı ilə döş qəfəsindən vurub və hadisə yerindən qaçıb.
Faktla bağlı Orxan Cinayət Məcəlləsinin 126.2.4-cü maddəsi (xuliqanlıq niyyəti ilə qəsdən sağlamlığa ağır zərər vurma) ilə ittiham olunub. O, ifadəsində özünü qismən təqsirli bilib.
Cinayət işinə Sumqayıt Ağır Cinayətlər Məhkəməsində baxılıb. Məhkəmənin hökmü ilə Orxan 7 il 6 ay müddətinə azadlıqdan məhrum edilib. Həmçinin ona narkomaniyadan məcburi müalicə təyin olunub və narkoloji dispanserdə qeydiyyata götürülüb.
