Quba rayonunun Çinarlı (Alekseyevka) kənd tam orta məktəbində uzun illər ibtidai sinif və rus dili müəllimi kimi fəaliyyət göstərmiş Alla Nikolayevna vəfat edib.
Shimal.News -un əldə etdiyi məlumata görə, təqaüddə olan müəllimə uzun sürən onkoloji xəstəlikdən əziyyət çəkirdi.
Bildirilib ki, Alla Nikolayevna təqaüdə çıxdıqdan sonra da fəaliyyətini dayandırmayıb, evində uşaqlara rus dili dərsləri keçərək onların təhsilinə dəstək olub.
Kənd sakinlərinin sözlərinə görə, o, peşəkarlığı, qayğıkeşliyi və şagirdlərinə olan sevgisi ilə hər zaman seçilib. Yüzlərlə şagirdin sevimli müəllimi olan Alla Nikolayevna bir çox uşağın yüksək səviyyədə dil mənimsəməsində böyük rol oynayıb.
Mərhum bu gün saat 12:00-da Çinarlı (Alekseyevka) kəndində yerləşən Rus qəbiristanlığında dəfn olunacaq.
