Quba rayonunda yol-nəqliyyat hadisəsi baş verib.
Shimal.News xəbər verir ki, hadisə Üçgün kəndi ərazisində qeydə alınıb.
Hərəkətdə olan minik avtomobili idarəetməni itirərək yolun kənarına aşıb. Nəticədə maşının salonunda olan 3 nəfər müxtəlif dərəcəli xəsarətlər alıb. Yaralılar dərhal Quba Rayon Mərkəzi Xəstəxanasına çatdırılıb və onlara zəruri tibbi yardım göstərilib.
Quba Rayon Mərkəzi Xəstəxanasından verilən məlumata görə, hadisə bu gün saat 13:30 radələrində baş verib. 1984, 1989 və 1991-ci il təvəllüdlü üç kişi Təcili tibbi yardım şöbəsinə hospitalizasiya olunub.
Xəsarət alan şəxslərə bədənin müxtəlif nahiyələrinin səthi travması, eləcə də kürək sümüyünün dəqiqləşdirilməmiş sınığı diaqnozu qoyulub. Hazırda vəziyyətləri orta ağır qiymətləndirilən hər üç pasiyentin müalicəsi Təcili tibbi yardım şöbəsində davam etdirilir.
Faktla bağlı araşdırma aparılır.
