Qubada məhkəmə boşanma zamanı bir-biri ilə dalaşan ər-arvadı cərimələyib.
Shimal.News-un məlumatına görə, hadisə Quba Rayon Məhkəməsində keçirilən iclas zamanı baş verib.
Belə ki, boşanmaq üçün məhkəməyə müraciət edən 35 yaşlı Cavid və 33 yaşlı Günel növbəti prosesdə iştirak ediblər. Proses zamanı tərəflər bir-birini nalayiq ifadələrlə təhqir ediblər.
Lakin onların hər ikisi də təhqirə məruz qalmaları barədə polisə şikayət ediblər. Cavid keçmiş arvadı və qayınatasının onu təhqir etdiyini deyib. Həmçinin onun keçmiş qayınatası da Cavidin onu və qızını təhqir etdiyini bildirib. Nəticədə Cavid və Günel barəsində inzibati protokollar tərtib olunub.
Quba rayon Məhkəməsinin qərarı ilə keçmiş ər-arvad hər biri 50 manat miqdarında cərimələniblər. Qeyd edək ki, adlar şərti verilib.
