Xəbər verdiyimiz kimi, Quba rayonu ərazisində ağır yol-nəqliyyat hadisəsi baş verib.
Shimal.News-un məlumatına görə, Qaçay Qəribovun idarə etdiyi "Hyundai" markalı nəqliyyat vasitəsi Rəsul Orucovun idarə etdiyi "Chevrolet" markalı avtomobillə toqquşub.
Nəticədə hər iki sürücü müxtəlif dərəcəli xəsarətlər alaraq Quba Rayon Mərkəzi Xəstəxanasına çatdırılıb. Qaçay Qəribovun xəsarətləri ağır olduğundan o, reanimasiya şöbəsinə yerləşdirilib. Hazırda vəziyyəti ağır olaraq qalır, müalicəsi davam etdirilir.
Rəsul Orucovun xəsarətləri yüngül olduğuna görə ona ilkin tibbi yardım göstərildikdən sonra evə buraxılıb.
Faktla bağlı araşdırma aparılır.
12:00
Quba rayonu ərazisində ağır yol-nəqliyyat hadisəsi baş verib.
Shimal.News xəbər verir ki, 55 yaşlı kişi ağır bədən xəsarətləri alıb. Həmin şəxs Quba rayon Mərkəzi Xəstəxanasının Reanimasiya şöbəsinə yerləşdirilib.
Tibb müəssisəsindən bildirilib ki, yaralı şəxsə qapalı kəllə-beyin travması, baş beyinin əzilməsi diaqnozu təyin olunub və zəruri tibbi yardım göstərilib. Vəziyyəti ağır qiymətləndirilən pasiyentin müalicəsi Reanimasiya şöbəsində davam etdirilir.
Hazırda fakt araşdırılır. Əlavə məlumat veriləcək.
