Qax rayonunda iki avtomobilin toqquşması ilə nəticələnən yol-nəqliyyat hadisəsi baş verib.
Qəza Qax–Zaqatala avtomobil yolunun rayonun Ləkit kəndi ərazisindən keçən hissəsində qeydə alınıb.
Hərəkətdə olan "Hyundai" və "Niva" markalı avtomobillərin toqquşması nəticəsində "Hyundai" markalı avtomobil yol kənarına aşıb. Qəza zamanı avtomobildə olan iki nəfər müxtəlif dərəcəli xəsarətlər alaraq Qax Rayon Mərkəzi Xəstəxanasına çatdırılıb.
Faktla bağlı araşdırma aparılır.
Mənbə: Report.az
