Qax rayonunda ağır yol-nəqliyyat hadisəsi baş verib.
Shimal.News xəbər verir ki, qəza rayonun Əlibəyli kəndi ərazisində "Mercedes" və "Niva" markalı minik avtomobillərinin toqquşması nəticəsində baş verib.
Qəza zamanı "Niva" avtomobilində olan azyaşlı sərnişin, Şamaxı rayon sakini 12 yaşlı S. Babazadə aldığı ağır xəsarətlərdən həyatını itirib.
Hadisə nəticəsində azyaşlının ailə üzvləri – 46 yaşlı Ruslan Babayev, 42 yaşlı Əzizə Babayeva, onların 5 yaşlı övladı, eləcə də "Mercedes" avtomobilinin sürücüsü, 33 yaşlı Mehman Rüstəmli müxtəlif dərəcəli bədən xəsarətləri alaraq Qax Rayon Mərkəzi Xəstəxanasına çatdırılıblar.
Faktla bağlı araşdırma aparılır.
