Qax rayonunda 35 yaşlı qadın ərinin sevgi münasibətində olduğu iddia edilən şəxsə xəsarət yetirib.
Demokrat.az-ın məlumatına görə, hadisə ötən il martın 9-da Qax şəhərində, H.Əliyev prospektində yerləşən gözəllik salonunda baş verib.
1991-ci il təvəllüdlü Günay salonda növbə gözləyən Qənirəyə hücum edib. O, qadının baş nahiyəsinə iki dəfə yumruq vurub, saçından tutaraq dartıb və nalayiq ifadələr işlədib.
Günay barəsində Cinayət Məcəlləsinin 221.1-ci maddəsi – xuliqanlıq maddəsi ilə ittiham irəli sürülüb. O, ifadəsində təqsirini qismən etiraf edib və hadisəni ərinin Qənirə ilə münasibəti olması iddiası ilə əlaqələndirib.
Zərərçəkmiş Qənirə isə bildirib ki, hücum zamanı salonda olub və Günay onu arxadan vuraraq saçından dartıb. Hadisəyə Günayın əri müdaxilə edərək tərəfləri ayırıb.
Faktla bağlı araşdırma aparılıb.
