Şamaxı rayonunda 1979-cu il təvəllüdlü İlhamə qardaşının gəlini Ayselə xəsarət yetirib.
Demokrat.az-ın məlumatına görə, hadisə ötən il avqustun 29-da səhər saat 10 radələrində onların yaşadığı evdə baş verib.
İlhamə qaz və işığın çox istifadə olunmasına görə Ayselə irad bildirib və aralarında mübahisə yaranıb. Mübahisə zamanı İlhamə Ayseli qollarından tutaraq arxaya itələyib və masadakı dəm çaydanı ilə onun alnına zərbə vurub.
İlhaməyə Cinayət Məcəlləsinin 128-ci maddəsi ilə ittiham elan olunub. Məhkəmədə İlhamə özünü təqsirli bilib. Zərərçəkmiş Aysel isə şikayətini geri götürüb, tərəflər barışıq əldə ediblər.
Şamaxı Rayon Məhkəməsi işi icraata xitam verərək İlhaməni cinayət məsuliyyətindən azad edib.
