Qusarda dəm qazından həyatını itirən 22 yaşlı Fəzail Fariz oğlu Əbiyevlə bağlı bəzi təfərrüatlar məlum olub.
Bizim.Media-nın məlumatına görə, mərhum şəhid əmisi Fəzail Əbiyevin adını daşıyırdı.
Bildirək ki, 1974-cü il təvəllüdlü Fəzail Andrey oğlu Əbiyev 13 yanvar 1994-cü ildə Füzuli uğrunda gedən döyüşlərdə şəhid olub və İmamqulukənd kənd qəbiristanlığında dəfn edilib. Şəhidin adını yaşatmaq üçün qardaşı dünyaya gələn körpəsinə onun adını verib.
Fəzail Əbiyev yaşadığı evin hamamında dəm qazından zəhərlənərək həyatını itirib. O, subay idi, "Şahdağ" Turizm Mərkəzində çalışırdı.
