Şəki şəhərindən 9, Şəki-Qax avtomobil yolundan isə 4 kilometr məsafədə yerləşən kəndin yolu 1600 nəfər əhali üçün ciddi problemə çevrilib.
Bu barədə Shimal.News-a danışan sakinlərin sözlərinə görə, uzun illərdir baxımsız qalan çalalı, daşlı-çınqıllı yolun kənarlarında dərin çuxurlar əmələ gəlib.
Yolun yalnız kiçik bir hissəsinə vaxtilə çay daşı döşənsə də, həmin hissə də yararsız vəziyyətə düşüb.
Kənd sakinləri bildiriblər ki, yolun asfaltlanması ilə bağlı dəfələrlə aidiyyəti qurumlara müraciət ediblər. Onlara yolun yaxın vaxtlarda təmir olunacağı deyilsə də, indiyədək heç bir işə başlanılmayıb.
