Zaqatala rayonunun Kebeloba kəndi ərazisindən keçən "Bəkməzçay" sistemində sahilbərkitmə tədbirləri həyata keçirilir.
Shimal.News xəbər verir ki, görülən işlərin məqsədi yaşayış məntəqələrini sel və daşqın sularının zərərli təsirindən qorumaq, çay məcrasında təhlükəsizliyi artırmaq və mümkün fəsadların qarşısını almaqdır.
Hazırda ərazidə xüsusi texnikalar vasitəsilə sahilboyu möhkəmləndirmə işləri davam etdirilir. Layihənin güclü yağıntılar zamanı yaşayış evlərinin və infrastrukturun sel təhlükəsindən qorunmasına töhfə verəcəyi bildirilir.
