Mayın 14-də Ailə, Qadın və Uşaq Problemləri üzrə Dövlət Komitəsinin sədri Bahar Muradova Xızı şəhərində vətəndaşlarla görüş keçirib.
Shimal.News xəbər verir ki, qəbulda Xızı və Siyəzən rayon sakinləri iştirak ediblər. Görüş zamanı vətəndaşların müraciətləri fərdi qaydada dinlənilib, qaldırılan məsələlərin operativ həlli üçün aidiyyəti üzrə tapşırıqlar verilib.
Araşdırma tələb edən müraciətlərin isə qeydiyyata alınaraq nəzarətə götürüldüyü bildirilib.
Qəbul zamanı əsasən uşaqla ünsiyyət, işlə təmin olunma, sosial dəstək, boşanmadan sonra yaranan hüquqi problemlər və digər sosial məsələlərlə bağlı müraciətlər səsləndirilib.
