Qubada xəsarətlə nəticələnən yol-nəqliyyat hadisəsi qeydə alınıb. Bu barədə ShimalNews 22 iyul tarixində xəbər verir.
Hadisə iyulun 21-i saat 18:30 radələrində “ASAN xidmət”in qarşısında baş verib. “Chevrolet” və “VAZ” markalı avtomobillər toqquşub. Nəticədə sonuncunun sürücüsü xəsarət alıb.
Əraziyə polis əməkdaşları cəlb olunublar.
Şahidlərin sözlərinə görə, toqquşma “Chevrolet”in sürücüsünün nişanın tələbinə əməl etməyərək yol verməməsi səbəbindən baş verib.
