Xaçmazda saat 16:00 radələrində yol-nəqliyyat hadisəsi baş verib. Bu barədə ShimalNews 20 iyul tarixində xəbər verir.
Qəza dairəvi yoldan üzü Quba istiqamətində (“Xoşbəxt məkan” şadlıq sarayının yanı) qeydə alınıb. “Toyota”, “VAZ” və “AzSamand” markalı avtomobillər toqquşub. Xəsarət alan olmayıb. Əraziyə polis əməkdaşları cəlb ediliblər.
Şahidlərin sözlərinə görə, hadisə nəqliyyat vasitələrinin ara məsafəsini saxlamadığı səbəbindən baş verib.
