Xaçmaz rayonunun Arzu qəsəbəsində sahibsiz itlərin çoxluğu sakinlərin narahatlığına səbəb olub.
Shimal.News-a müraciət edən qəsəbə sakinlərinin sözlərinə görə, küçələrdə sürü halında gəzən itlər xüsusilə məktəblilər üçün həyati təhlükə yaradır. Valideynlər bildirirlər ki, övladları məktəbə gedib-gələrkən qorxu içində qalırlar, bəzi hallarda isə itlərin hücumu ilə üzləşirlər.
Sakinlər qeyd edirlər ki, mövcud vəziyyət uzun müddətdir davam edir və problem gündəlik həyatlarına ciddi təsir göstərir. Onlar aidiyyəti qurumlardan sahibsiz itlərin qəsəbə ərazisindən yığışdırılmasını və təhlükəsizlik tədbirlərinin görülməsini xahiş edirlər.
