"Şəhərsalma və Memarlıq İli" çərçivəsində Xaçmaz rayonunda Ramazan və Novruz bayramları münasibətilə ağacəkmə aksiyası təşkil olunub.
Shimal.News xəbər verir ki, Rayon İcra Hakimiyyətinin təşkilatçılığı ilə baş tutan tədbir Xudat–Nabran avtomobil yolunun kənarını əhatə edib.
Aksiyada Rayon İcra Hakimiyyətinin başçısı Elnur Rzayev, rayon prokuroru Rəşad Məmmədov, eləcə də idarə və müəssisələrin rəhbərləri və ictimaiyyət nümayəndələri iştirak ediblər.
Tədbir çərçivəsində yol kənarına 1000 ədəd şam ağacı əkilib. Bildirilib ki, əkilən ağaclar yerli iqlim şəraitinə uyğun olmaqla ekoloji balansın yaxşılaşdırılmasına, havanın təmizlənməsinə və yaşıllıq sahələrinin genişlənməsinə töhfə verəcək. Bu tədbirlərin il boyu davam etdirilməsi planlaşdırılır.
