Bakı-Quba yolunda ölümlə nəticələnən qəza qeydə alınıb. Bu barədə ShimalNews 26 sentyabr tarixində Bizim.Media-ya istinadən məlumat verir.
Hadisə yolun “Yeni Yaşma” yaşayış massivindən keçən hissəsində baş verib. “Land Rover” markalı avtomobil yolun kənarında dayanan sürücü Süleyman Vəliyevə və onun "Lada Kalina" markalı avtomobilinə çarpılıb.
Nəticədə Xaçmaz rayonu, Çılğır kənd sakini, 46 yaşlı S.Vəliyev yerindəcə ölüb. “Kalina”nın sərnişini, 59 yaşlı Mehbarə Abbasova isə xəsarət alıb.
Fakt üzrə cinayət işi açılıb.
Məlumata görə, “Qazel” markalı avtomobil hərəkət edərkən qarşıda dayanan "Lada Kalina"nı görüb və manevr edib. Arxadan gələn "Land Rover"-in sürüsüsü Murad Hacıyev avtomobili saxlamağa çatdırmayıb. Mərhum S.Vəliyev isə təkərlərə baxmaq üçün nəqliyyat vasitəsini yolun kənarında saxlamışdır.
