Xaçmaz Avtovağzalından Bakıya hərəkət edən avtobuslarla bağlı ciddi narazılıqlar yaranıb. Onlayn bilet alan sərnişinlər iddia edirlər ki, onlar avtobuslara minməyə buraxılmayıblar. Onların yerinə nağd ödəniş edənlər yola salınıblar. Lakin bu çoxsaylı nöqsanların bir hissəsidir.
Shimal.News məlumat verir ki, avtovağzalın fəaliyyəti iləbağlı çoxsaylı narazılıqlar var. Məsələn, bilet üzərində göstərilən avtobusnömrəsi ilə real hərəkət edən nəqliyyat vasitəsi arasında uyğunsuzluq, son anda"sənin avtobusun dəyişdirilib" deyilərək sərnişinlərin yolda saxlanılması, Bakıdanyola düşən avtobusların yolboyu sərnişin yığaraq Xaçmaz və Xudat ərazisindəinsanları düşürüb, daha sonra isə reysin davam etməyəcəyini bildirmələri sakinlərin ciddi narazılığına səbəb olub.
Digər narazılıqlar isə bir yerin bir neçə nəfərə satıldığı, onlayn bilet alan sərnişinlərin məcburi şəkildə bileti qaytarmağa və yenidən nağd ödəniş etməyə məcbur edildiyi vurğulanır. Hətta bu zaman əlavə "xidmət haqqı" tutulduğu da iddia olunur.
Saydıqca ardı gələn problemlərin siyahısında avtobusların ciddi gecikmələrlə hərəkət etdiyi, müəyyən günlərdə bilet satışının ümumiyyətlə aparılmadığı, çəkiliş və ya nəzarət zamanı isə vəziyyətin müvəqqəti olaraq dəyişdiyi bildirilir.
Mövzu ilə bağlı Azərbaycan Yerüstü Nəqliyyat Agentliyinin mətbuat katibi Tural Orucov Shimal.News-a açıqlamasında bildirib ki, hər hansı hadisənin araşdırılması üçün konkret faktlar lazımdır. Onun sözlərinə görə, hazırda səsləndirilənlər iddia xarakterlidir və məsələnin araşdırılması üçün ətraflı məlumat təqdim olunmalıdır.
Görünür daxili nəzarət, kameralar və bundan öncə quruma heç bir şikayət olunmayıb və araşdırmalar aparılmayıb.
Eyni zamanda məsələ ilə bağlı bəzi sürücülərin mövqeyi də səsləndirilib. Bildirilib ki, bayram günlərində bankların işləməməsi səbəbindən nəğdsız ödənişlərin sürücülərə köçürülməsində problem yaranır. Onlar yanacaq doldura bilmirlər və digər xərcləri qarşılamaqda çətinlik çəkirlər. Bu da nağd ödənişə üstünlük verilməsinə səbəb olur.
