Bu gün şəhid Şükür İlyasovun mövludu qeyd olunur. O, 1991-ci il yanvarın 9-da Şabran şəhərində anadan olub.
Shimal.News xatırladır ki, Azərbaycan Ordusunun əsgəri Şükür İlyasov 2020-ci il sentyabrın 27-də başlanan Vətən müharibəsi zamanı Murovdağ istiqamətində gedən döyüşlərdə iştirak edib. O, həmin gün Murovdağ döyüşləri zamanı şəhid olub.
Şükür İlyasov Şabran şəhərinin Şəhidlər Xiyabanında dəfn edilib.
Azərbaycanın ərazi bütövlüyünün bərpa olunması uğrunda döyüş əməliyyatlarında göstərdiyi şücaətə görə Azərbaycan Prezidenti İlham Əliyevin 15 dekabr 2020-ci il tarixli Sərəncamı ilə Şükür İlyasov ölümündən sonra "Vətən uğrunda" medalı ilə təltif olunub.
O, həmçinin Kəlbəcər rayonunun işğaldan azad edilməsi uğrunda döyüşlərdə şəxsi igidliyinə görə Prezident İlham Əliyevin 29 dekabr 2020-ci il tarixli Sərəncamı ilə ölümündən sonra "Kəlbəcərin azad olunmasına görə" medalı ilə təltif edilib.
