Siyəzən rayonunda sosial şəbəkədə ictimai əxlaq normalarını pozan paylaşımlar edən şəxs inzibati məsuliyyətə cəlb edilib.
Məlumata görə, 36 yaşlı Rəvan Babayev (ad və soyad şərtidir) özünə məxsus "TikTok" hesabında paylaşdığı videoda qeyri-etik ifadələr işlədib.
Həmin şəxs Siyəzən Rayon Polis Şöbəsinin əməkdaşları tərəfindən saxlanılıb. Onun barəsində İnzibati Xətalar Məcəlləsinin 510.2-ci maddəsi ilə protokol tərtib olunub.
Siyəzən Rayon Məhkəməsinin qərarı ilə Rəvan Babayev 8 sutka müddətinə inzibati həbs edilib.
Mənbə: Teleqraf.az
