Siyəzən-Məşrif avtomobil yolunda güclü sel səbəbindən dağılan avtomobil körpüsünü müvəqqəti əvəz edəcək alternativ yol çəkilir.
AZƏRTAC-ın məlumatına görə, Gilgilçay üzərindəki körpü aprelin 6-sı səhər saatlarında dağılıb.
Siyəzən-Məşrif avtomobil yolundan Siyəzən və Şabran rayonlarının 20-dən çox yaşayış məntəqəsinin sakinləri, həmçinin "Qalaaltı Hotel & SPA" müasir müalicə-istirahət kompleksinə gələn qonaqlar istifadə edirdi.
Burada yaşayan sakinlər hazırda rayon mərkəzinə getmək üçün Şabran rayonu ərazisindən keçən alternativ yoldan istifadə edirlər.
