Siyəzən şəhərinin Şamil Baxşıyev küçəsində məişət tullantılarının yığılması ərazidə antisanitar vəziyyət yaradıb.
Shimal.News xəbər verir ki, küçə boyunca məişət və tikinti tullantıları, plastik qablar yolun kənarına, eləcə də boş sahələrə atılıb. Tullantılar uzun məsafə boyunca səpələnmiş vəziyyətdədir.
Müşahidə olunan mənzərə tullantıların vaxtında daşınmadığını və ya əraziyə nəzarətsiz şəkildə atıldığını göstərir. Xüsusilə yay mövsümündə belə vəziyyət xoşagəlməz qoxunun yaranmasına və zərərvericilərin çoxalmasına səbəb ola bilər.
Sakinlər bildirirlər ki, ərazidə təmizlik işləri müntəzəm aparılmır. Onlar aidiyyəti qurumlardan Şamil Baxşıyev küçəsinin tullantılardan təmizlənməsini, müntəzəm təmizlik işlərinin aparılmasını və nəzarətin gücləndirilməsini xahiş edirlər.
