Siyəzən rayonunda qaz təchizatında müvəqqəti fasilə yaranacaq.
Shimal.News xəbər verir ki, Böyük Həmyə kəndi istiqamətində istismarda olan qaz xəttində sızmanın aradan qaldırılması ilə əlaqədar bu gün saat 10:00-dan etibarən qaz təchizatı dayandırılacaq.
Xaçmaz Regional Qaz İstismarı İdarəsindən bildirilib ki, təmir işləri müddətində Böyük və Balaca Həmyə kəndləri, həmçinin H.Talıbov, Q.Qocaliyev, B.Bayramov, Ş.Xətai və A.Zahirov küçələri daxil olmaqla ümumilikdə 1 916 abonentin qaz təchizatında fasilə yaranacaq.
Qeyd edilib ki, təmir işləri başa çatdıqdan sonra qazın verilişi bərpa olunacaq.
