Siyəzən rayonunun Daşlı Çalğan kəndi artıq 25 ildən çoxdur ki, qaz və su problemi ilə üz-üzədir.
Bu barədə Shimal.News-a müraciət daxil olub.
Sakinlər bildiriblər ki, illərdir elementar kommunal xidmətlərdən məhrumdular. Bu xüsusilə qış aylarında ciddi çətinliklərə səbəb olur.
“Bu illər ərzində bir neçə dəfə müvafiq qurumlara, o cümlədən "Azəriqaz" Açıq Səhmdar Cəmiyyətinə kollektiv və fərdi müraciətlər etmişik. Lakin bütün bu müraciətlərə baxmayaraq, məsələ hələ də öz həllini tapmayıb. Hər dəfə cavab olaraq "layihədə nəzərdə tutulmayıb" deyilir və məsələ ilə bağlı laqeyd yanaşma sərgilənir. Kəndimizin yaxınlığında neft-qaz hasilatı aparıldığı halda, bizim bu şəraitdə yaşamağımız təəssüf doğurur”, - deyə sakinlər bildirib.
Siyəzən rayonu ölkənin neft və qazla zəngin bölgələrindən biridir. Daşlı Çalğan kəndinin cəmi 800 metrliyində təbii qaz və neft çıxarılır.
View this post on Instagram
